Fault London - ஆங்கிலப் படவரிசை

My fault London

அப்டின்னு ஒரு ரொமான்ஸ் மூவி அதுவும் ஃபர்பிடன் ரொமான்ஸ். பாக்கற படங்கள், வெப்சீரிஸ்கள், படிக்கிற புத்தகங்களைப் பத்தி எழுதறதுதான் என் வழக்கம். அந்த வகையில இந்தப் படத்தைப் பாக்கறதுக்கு முன்னாடியே இந்த நாவல் வரிசைகள படிக்கவும் செஞ்சிருக்கேன். மெர்சிடஸ் ரான்ங்கற எழுத்தாளர் எழுதின கல்ப்பபிள் நாவல் வரிசையைத் தழுவினது தான் இந்த மை ஃபால்ட் லண்டன்ங்கற முதல் படம். இதே தலைப்புல தான் அந்த நாவலும் வெளியாகி பெஸ்ட் செல்லரா இருந்தது.

கதைப்படி ஃப்ளோரிடால நோவாவோட அப்பா ஜெயிலுக்குப் போனதுக்கப்புறம், அவளோட அம்மா லண்டன் பணக்காரரான வில்லியம் லெய்ஸ்ட்டரை மறுமணம் செஞ்சிக்கறாங்க. அதனால நோவாவும் லண்டனுக்குப் போக வேண்டியதாகிருது. அவ அங்கயிருந்து லண்டனுக்கு வந்தப்புறம் அவளோட காதலன் அவளோட பெஸ்ட் ஃப்ரெண்ட் கூடவே தன்னோட காதலை டைவர்ட் பண்ண, விசயம் தெரிஞ்ச நோவா ரொம்பவே ஒடஞ்சு போயிடறா. இதுக்கு நடுவுல வில்லியமுக்கு ஆல்ரெடி நிக் அப்டின்னு ஒரு மகன் இருக்கான். அவனுக்கும் நோவாவுக்கும் முதல் சந்திப்புல இருந்தே ஆகறதில்ல. ஆனா ஒடஞ்சு போயிருந்த சமயத்துல ஸ்டெப் சிபிலிங்ஸ்க்குள்ள காதல் பொறந்து சண்டையெல்லாம் மறந்து ரொம்ப டீப்பா லவ் பண்ண ஆரம்பிச்சிடறாங்க.

ரெண்டு பேருக்குமே கடந்த காலம்ங்கறது இருக்கத்தான் செய்யிது. ஆனா அது நோவாவைப் பொருத்தவரை ஒன்னே ஒன்னுதான். ஆனா நிக்கை நெருங்க நினைக்கிற பெண்களோட எண்ணிக்கை அதிகம். அதுல எல்லாமே அவனோட பணத்துக்காகத்தான். கிடைச்சா லக். கிடைக்கலேன்னா அடுத்து யாரையும் கிடைக்கக் கூடாதுன்னு சரியான சமயத்துக்காகக் காத்துக்கிட்டிருப்பாங்க. அவ்ளோதான் அந்த கடந்த காலம் எல்லாமே. இப்ப இதெல்லாம் அங்கங்க கண்ணி வெடிகள் மாதிரி வெடிக்கக் காத்துகிட்டிருக்கு. ஆனா இப்ப நண்பன் ஒருத்தனுக்காக இல்லீகல் கார் ரேஸுக்குப் போன எடத்துல ஒரு பஞ்சாயத்தாகிருது. ஏன்னா விதிப்படி நிக் தான் காரை ஓட்டிருக்கனும். அந்த நேரத்துல நிக்கே எதிர்பார்க்காத லெவல்ல நோவா நிக்கோட காரை ஓட்ட அது தீராத தலைவலியா மாறிடுது.

இந்த மை ஃபால்ட் லண்டன்ல இந்த ஒரு தலைவலிதான் பெருசா காட்டப்பட்டு காட்சிகள் நகர்ந்து முடியிது. ஆனா...

யுவர் ஃபால்ட் லண்டன்

படத்துல மேற்படி சொன்ன கண்ணி வெடிகள்ல ஒன்னு வெடிக்கிது. அதை நிக் நினைச்சிருந்தா ஆரம்பத்துலயே டிஃப்யூஸ் பண்ணிருக்கலாம். ஆனா அதையெல்லாம் பண்ணிகிட்டிருக்க அவனுக்கு அப்ப நேரம் இல்ல. ஏன்னா இது வெடிக்கும்னு அவனே எதிர்பார்த்திருக்கல. எங்க டிஃப்யூஸ் பண்ண. ரொம்ப சூதானமா இருந்தும் இந்த விசயம் நோவாவோட அம்மாவுக்குத் தெரிஞ்சு, அப்புறம் நிக்கோட அப்பா வில்லியமுக்குத் தெரிஞ்சு இதனால லெய்ஸ்ட்டர் கம்பெனிகள் மேல இன்வெஸ்டார்ஸ் பண்ணிருக்கற இன்வெஸ்ட்மெண்ட்ஸ் போயிடக் கூடாதுன்னு இத்தோட இதை நிறுத்தித் தொலைக்கவும்னு சொல்ல, சரி நாங்க கள்ளத்தனமா லவ் பண்ணிக்கலாம்னு முடிவெடுத்து இருந்தாலும், ஒருத்தர் மேல ஒருத்தருக்கு இன்செக்யூரிட்டி ஃபீல். ஆனா அதுக்கு பொசஸிவ்னஸ்ன்னு பேர் வச்சு படம் பாத்துகிட்டிருக்கற நமக்கே, டேய் டேய் இதப் பண்ணாதடா பாவின்னும், நோ நோவா வேண்டாம் பண்ணாத ப்ளீஸ்ன்னும் நம்மளயே மனசளவுல கெஞ்ச விட்ருக்காங்க.

இதுல நிக்கா நடிச்சது யார்ன்னு தெரியல. ஆனா நோவாவா நடிச்சிருக்கறது ஆஷா பேங்ஸ். அப்டே இந்திய முகவெட்டு. அப்புறம் நம்ம ருக்மணி வசந்த் ப்ளஸ் தமிழ் பிக்பாஸ் சீசன் 6ல கண்டெஸ்டண்டா வந்த நிவாஷினி மாதிரி ரெண்டும் கலந்த மாதிரி ஒரு முகம். நான் கூட இவங்க ரெண்டு பேருக்கும் அக்கா தங்கச்சி யாராவதா இருக்குமோன்னு சேட்ஜிபிடி அண்ட் கூகுள் மண்டையப் போட்டு குடாய்ஞ்சுகிட்டிருந்தேன். அப்டியெல்லாம் இல்ல. இவங்க ஆல்ரெடி ஆங்கில நடிகைதான். ஹாலிவுட் நடிகை அல்ல. சோ எங்கேயோ அவங்களுக்கு ஒரு இந்தியப் பின்னணி இருக்கு. அது என்னான்னு தெரிய வர்றப்ப பாத்துக்கலாம்.

இது ஆல்ரெடி இன்செஸ்ட் கதையோன்னு டவுட்டாகி சேட்ஜிபிடிகிட்ட கேட்டா ரெண்டு பேரும் ஸ்டெப் சிபிலிங்ஸ்தான, பயாலாஜிக்கலி சிபிலிங்ஸ் இல்லல்ல? அப்ப இது இன்செஸ்ட்ல ரா லேதுன்னு சொல்லுது. யோவ் போயா உனக்கென்ன தெரியும் உறவுமுறைகளைப் பத்தின்னு கடுப்பாயிடுச்சு. இங்கயெல்லாம் ஒரு பொண்ணு ஒருத்தன புடிக்கலேன்னாலே அண்ணான்னு சொன்னா போதும். அப்டியே நொறுங்கிப் போயிருவோம். இதுல ஸ்டெப் சிபிலிங்ஸாம், நான் பயாலாஜிக்கலாம். இதெல்லாம் இன்செஸ்ட்லதாம்லே வருது. எங்கலே போயிட்டிருக்கு உலகம்? ம்க்கும் அடுத்து அவர் ஃபால்ட் லண்டன் அப்டின்னு ட்ரையாலஜியா எடுத்து ரிலீஸ் பண்ணி முடிக்கப் போறானுக. அந்த நாவலையும் படிச்சாச்சு. எப்டியிருந்தாலும் ஆஷா பேங்ஸுக்காக பாக்க வேண்டிய கடமை ஒன்னிருக்கு. பாப்போம்.

அடுத்த பதிவுல மீட் பண்ணுவோம் நண்பர்களே, வர்ட்டா!