அப்டின்னு ஒரு நெட்பிளிக்ஸ் வெப்சீரிஸ். மர்மக்கதை எழுத்தாளர் ஹார்லன் கோபன் அவர்களின் நாவல் ஒன்னைத் தழுவி எடுக்கப்பட்டது. நடிகர்கள்னு பாத்தா அவதார் ஹீரோ சாம் வொர்த்திங்டன் அப்புறம் ஷாஷாங் ரிடம்சன்ல கேப்டன் ஹாட்லியா நடிச்ச க்ளான்ஸி ப்ரவுன் இவங்க ரெண்டு பேர்த்தத் தவிர இன்னொருத்தரையும் எங்கயோ பாத்த மாதிரியே தோனுச்சு. ஆனா இப்ப வரைக்கும் அது எங்கன்னு தெரியல. அது இந்த சீரிஸ்ல ரொனால்ட் ட்ரீசனா நடிச்ச ஆரோன் ஆஷ்மோர். ப்ச் உங்கள்ல யாருக்காவது தெரிஞ்சா ஞாபகப் படுத்துங்க. சரி வாங்க, இந்த ஐ வில் ஃபைண்ட் யூவைப் பாத்த அனுபவம் எப்டியிருந்ததுன்னு பார்க்கலாம்.
கதைப்படி டேவிட் பரோஸ் தன் மூனு வயசு மகன் மாத்யூஸை பேஸ்பால் பேட்டால அடிச்சுக் கொன்னுட்டான்னு அஞ்சு வருசமா மெய்ன்ல உள்ள ப்ரிக்ஸ் சிறைல தண்டனையை அனுபவிச்சிட்டிருக்கான். அவனைப் பாக்க அவனோட கொளுந்தியா ரேச்சல் மில்ஸ் அங்க விசிட்டரா வந்தப்ப ஆரம்பிக்கிது இந்தக் கதை. வந்தவ டேவிட்கிட்ட ஒரு ஃபோட்டோவைக் காட்டிட்டுப் போயிடறா. அதுக்கப்புறம் டேவிட்டைக் கொல்ல ஜெயில்லயே பல முயற்சிகள் நடக்குது.
என்னடா அஞ்சு வருசமா அவனை யாருமே சீண்டியிருக்கல. திடீர்னு எங்கிருந்து வந்தாங்க இந்த வில்லன்களெல்லாம்னு நாம டேவிட் மாதிரியே கொழப்பத்துல இருக்க, அந்தப் பிரச்சினை தெளிவா ஒரு விசயத்தைப் புரிய வைக்கிது. அது என்னன்னா, அது ரேச்சல் காட்டின அந்த ஃபோட்டோ. அதுல தான் பிரச்சினையே. ஏன்னா அதுல மூனு வருசத்துக்கு முன்னாடி டேவிட்டால கொலை செய்யப்பட்ட அவனோட மூனு வயசுப் பையன் மாத்யூஸ் இப்ப எட்டு வயசுப் பையனா அதுல ஒருத்தரோட கையைப் பிடிச்சிட்டு நடந்து போறதா இருக்கு, அதுவும் அவுட் ஆஃப் ஃபோகஸ்ல. ஆனா அது அஞ்சு வருசம் முன்னாடியே செத்துட்டானே, அதுக்காகத் தானே இந்த ஜெயில் வாசம். இப்ப எப்டி அது அதே மாத்யூஸ்னு தீர்மானமா சொல்ல முடியும்?
காரணம் மாத்யூஸ் வலது கன்னத்துல உள்ள காயம் சைஸ்ல பெருசா ஒரு மச்சம். அது அவுட் ஆஃப் ஃபோகஸ்ல கூட ஃபோகஸ்டா தெளிவா தெரியிது. அப்ப வீட்ல டேவிட் கொன்னதா சொன்னது யாரை? அதுவும் மூனு வயசுப் பையன் தானே? எப்டிப் பாத்தாலும் அவன் இன்னும் உயிரோட இருக்கான்னு அவனைப் புடிச்சி இந்த உலகத்துக்கு நிரூபிச்சிட்டா இவன் முன்ன இருந்தே சொல்லிட்டிருந்த நா யாரையும் கொலை பண்ணலங்கறது உண்மையாகிடும். இப்ப முதல்ல அதுக்கு டேவிட் வெளிய இருக்கனுமே. ஆனா ஜெயில்லல்ல இருக்கான். எக்ஸாக்ட்லி நாம நெனச்ச மாதிரி தப்பிச்சிடறான் அங்க இருந்து. அதுக்கப்புறம், அந்தப் பையனைக் கண்டுபுடிச்சானா, இந்த உலகத்துக்கு தான் கொலைகாரன் இல்லன்னு டேவிட் நிரூபிச்சானா, அப்ப டேவிட் வீட்ல உண்மைல செத்துக் கெடந்த மூனு வயசுப் பையன் யாரு, அவனைக் கொன்னது யாரு, அப்டி அந்த ஃபோட்டோல இருந்தது மாத்யூஸ்ன்னா அவனைக் கடத்தினது யாரு? அப்டின்னு பலப்பல முடிச்சுக்களுக்கு பதில் பல திருப்பங்களோட விடை சொல்லிருக்கு இந்த ஐ வில் ஃபைண்ட் யூ.
டேவிட் பரோஸா நடிச்சிருக்கறது சாம் வொர்த்திங்டன். அவ்ளோ கெத்தெல்லாம் இல்லங்க. ரொம்ப பயந்த சுபாவம் போல உள்ள அப்ராணி நடிப்பு தான். பின்னால யாராவது ஊய்ன்னு சொன்னா இங்க இவர் நடுங்கிருவாரு போல. அப்டித்தான் இதுல நடிச்சிருக்காரு. ஆனா ஜெயில் வாசமும் சூழ்நிலையும் செதுக்கி செதுக்கி கொஞ்சம் ஆக்சனும் பண்ண வச்சிருக்குன்னு தான் சொல்லனும். அப்டித்தான் கதாபாத்திர வடிவமைப்பே.
அடுத்ததா சொல்லிக்கிற மாதிரி நடிப்புன்னா அது கொளுந்தியாவா நடிச்சிருக்கற ப்ரிட் லோவர். இவங்க தான் ரேச்சல் மில்ஸ் கேரக்ட்டர். சீரிஸ் முழுக்கவே சாம் கூடவும் அப்றம் ஹேய்டன் பேய்ன் கூடவும் நடிச்சிருக்காங்க. லவ் ட்ராக் ஹேய்டன் கூட தான். அதுவும் ப்ரேக்கப் ஆனப்புறமும் லவ் பண்ற ஜோடி. அது சரி இந்தக் கொலைக்கப்புறம் தன்னோட அக்காவே இன்னொருத்தனக் கல்யாணம் பண்ணிகிட்டுப் போயி இப்ப கர்ப்பமா வேற இருக்கா. அப்புறமும் ஏன் கொளுந்தியா போய் முன்னாள் அக்கா புருசனுக்கு ஹெல்ப் பண்றான்னு லாஜிக்கலா இடிக்கும்ங்கறதுக்காக அவங்கள ஒரு ஃபேமஸ் ஜர்னலிஸ்ட் சீட்ல உக்கார வச்சிருக்கற ரைட்டிங் செம! சீரிஸ் முழுக்க ரேச்சல் டேவிட்டுக்கு ஜோடியில்ல. ஆனா டேவிட் தான் மேல் லீட். ரேச்சல் தான் ஃபீமேல் லீட். இதுல எந்த மாற்றமும் இல்ல.
அடுத்து இந்த சீரிஸ்ல எனக்குப் புடிச்ச இன்னொரு கேரக்ட்டர் ஹேய்டன் பேய்ன். மிகப்பெரிய பணக்காரன். ஆனா ஜர்னலிஸ்ட் ரேச்சலை லவ் பண்ணி ப்ரேக்கப் பண்ணிட்டு இப்ப முன்னால் காதலனா இருந்தாலும் ரேச்சலுக்கும் அவளோட அக்கா புருசனாச்சே பாவம்னு உதவுற கேரக்ட்டர். மில்லியன் கணக்குல டாலரை செதற வுட்ற கேரக்ட்டர் ரேச்சலுக்காக. ரேச்சலையே பாத்துகிட்டே இருக்கறதால தான் நமக்குப் புடிக்கும். ஆனா ஹேய்டனையெல்லாம் அவன் பழக்கவழக்கத்துக்காகப் புடிக்கும். இது ஒரு நல்ல கதாபாத்திரம்.
அடுத்ததா நம்ம க்ளான்ஸி ப்ரவுன். செம ஆட்டிட்யூட் வில்லன். சரி சரி இது ஸ்பாய்லரெல்லாம் இல்ல. தைரியமாப் படிங்க. வில்லன்னா வில்லன் தான். அதுலயும் கெத்து வில்லன். ஸ்க்ரீன் ஸ்பேஸ் உள்ளவரைக்கும் கெத்துக் கொறச்சலில்லாம வில்லத்தனம் பண்ணிருக்காப்ல.
இன்னிக்கிக் காலைல தான் பாக்க ஆரம்பிச்சேன். அஞ்சு மணி நேரம் தான். செமயா திரில்லிங்கா ஒரு டார்க் ஷேட்ல கதை ஃப்ளோவா பிங்கே வாட்சிங்ல போச்சு. உங்களுக்கும் புடிக்கும்னு நம்பறேன். பாருங்க. அடுத்த பதிவுல நாம மீட் பண்ணுவோம் மக்களே, வர்ட்டா!
No comments:
Post a Comment