அப்டின்னு ஒரு தெலுங்கு சைக்கோ திரில்லர் ப்ளஸ் மர்டர் மிஸ்டரி மூவி. நடிகர்கள்னு பாத்தா சுபலேகா சுதாகர், சத்யா கிருஷ்ணனைத் தவிர யாரையுமே தெரியாது. அதுதான் இங்க பிரச்சினையே. அது என்னன்னு பதிவுல பாக்கலாம். சரி வாங்க இந்தப் படத்தைப் பாத்த அனுபவம் எப்டியிருந்ததுன்னு பாக்கலாம்.
கதைப்படி ஒரு நடிகர் கொல்லப் படறார். அவர் கொல்லப்பட்டு செத்துக் கெடக்கற விதம் அது ஒரு சைக்கோவின் கைவரிசைங்கறது புரியிது. அவ்ளோதான் அடுத்து சைக்கோ கொலைகாரனைத் தேடறாங்க. அது யார்னு தேடிட்டே இருக்காங்க. கடைசில இவரு குதிக்கிறாரு இவர்தான் விஸ்வநாதன், இல்ல இவர்தான் குதிச்சாரு இவர்தான் விஸ்வநாதன் அப்டின்னு சொல்லிட்டே போய் அய் நானும் குதிக்கிறேன் நாந்தான் விஸ்வநாதன் அப்டிங்கற மாதிரி இவன்தான் சைக்கோ... ஓ இவர் தான் சைக்கோவா அய்யய்யோன்னு எல்லாரும் மூக்கு மேல வெரல வைக்க, அப்ப போலிஸ் எங்களுக்கு புது இன்பர்மேஷன் கெடச்சிருக்கு. அந்த இன்பர்மேஷன் படி அவரில்ல, இவர்தான் சைக்கோ அப்டின்னு ஒரு மாதிரி படம் பாக்கறவங்கள அய்யேன்னு நெனைக்க வச்சிடுச்சு. ஹான்... என்ன சொல்ல வந்தேன்? ஆங் கண்டுபுடிச்சிட்டேன். கதைப்படி!
கதைப்படின்னு கதையைச் சொல்ல வந்தேன்ல? ரைட்டு. கதை - அது ஒன்னுதான் சொல்லிக்கிற மாதிரி இருக்கு இந்தப் படத்துல. அதையும் ஏன் ஸ்பாய்ல் பண்ணிகிட்டு. சோ நேரடியா எப்டியிருந்ததுன்னே போயிடலாம். செம அமெச்சூர்தனமா இருந்தது மேக்கிங். அது ஒன்னுதான் முக்கியமான விசயம். கதை நல்லாருக்கோ இல்லியே மேக்கிங் நல்லாருந்தா பார்த்துட்டு நாலு பேரு சொல்லுவாங்க, செமயா எடுத்திருக்காங்க அப்டின்னு. ஆனா கதை நல்லாருந்து மேக்கிங் சொதப்பினா எப்டியிருக்கும்னு சொல்ல இந்தப் படம் ஒரு உதாரணம்.
ஒரு சைக்கோ திரில்லர் எடுக்க முதல் முக்கியமான விசயம் யாரந்த சைக்கோன்னு சஸ்பென்ஸ மெய்ண்டெய்ன் பண்ணனும். அத செமயா பண்ணிருக்காங்க. அடுத்து இவன் தான் சைக்கோன்னு சொன்னா அது அக்சப்ட் பண்ணிக்கிற மாதிரி இருக்கனும். அது கொஞ்சம் ஓகே மாதிரிதான் இருந்தது. அடுத்து அதுக்கும் மேலயே ஸ்கோர் பண்ணிருந்தாங்க கதைல. அதுக்காகத் தான் பதிவா எழுதி பாரட்டிகிட்டிருக்கேன். இல்லன்னா சீண்டியிருக்கக் கூட மாட்டேன். ஆனா மேக்கிங் நிச்சயம் பெரிய சொதப்பல். இத நான் சொல்லல. படம் பாருங்க உங்களுக்கே புரியும்.
உதாரணத்துக்கு முதல்ல ஒரு ரெயின் கோட் போட்ட ஆள் சூட்டிங்ல ரெண்டு கிளாஸ் ஆரஞ்ச் ஜூஸ் எடுத்துகிட்டுப் போறான். அடுத்த கட்ல அந்த ட்ரேல ஒரே ஒரு கிளாஸ் ப்ரவுன் கலர் ஜூஸ் மட்டுமே இருக்கு. எப்டி? ஏன்? இப்டி படம் நெடுக கண்டினியுட்டி மிஸ்டேக்ஸ். அதைக் கூட மன்னிச்சிடலாம். ஆனா சைக்கோ திரில்லர்ன்னா படம் பாக்கற ஆடியன்ஸ் நெய்ல் பைட்டிங், சீட் எட்ஜ் வாட்ச்சிங் எக்ஸ்பீரியன்ஸ் எக்ஸ்பெக்ட் பண்ணுவாங்களே, அப்டி ஒரு வஸ்துவே இந்தப் படத்துல இல்ல. கொலை, ஆர்ட்டிஸ்டிக், சைக்கோ, எஸ்.பி காலிங் கமிசனர். கமிசனர் காலிங் எஸ்.பி. அப்றம்? அடிக்கடி டிவில பிரேக்கிங் நியூஸ். அப்புறம் இன்னொரு சேனல்ல பிரேக்கிங் நியூஸ். அப்புறம்? இன்னொரு... 🤐
படத்துல இது மிகப்பெரிய சொதப்பல். படத்துல காட்சிகளா வசனங்களா மவுனச் சலனங்களா கடந்து போக வேண்டிய எல்லா சீன்ஸ்லயும் டிவில அந்த கொலை பத்தின தகவல்கள் பிரேக்கிங் நியூஸா ஓடுது. ஒரு வாட்டி நியூஸ் காட்டினா பரவால்ல. மொத்தப் படத்துல பாதிப் படம் பிரேக்கிங் நியூஸ் தான்.
அடுத்து ஹீரோ அண்ட் ஹீரோயின். ஹீரோ இந்த வழக்கை இன்வெஸ்டிகேட் பண்ற போலிஸ். ஹீரோயின் இந்த வழக்கைப் பத்தி நியூஸ் எழுதற இன்வெஸ்டிகேஷன் ஜர்னலிஸ்ட். அது தப்பில்லன்னாலும், இந்தக் கதைக்கு அப்டி இருந்திருக்க வேணாமேன்னு தோனுது. அப்டி இல்லாம இருந்திருந்தா கூட எப்டியாவது அந்த நெய்ல் பைட்டிங் எக்ஸ்பீரியன்ஸ் கிடைச்சிருக்க வாய்ப்பிருக்கு. ஆனா பாருங்க அது மிஸ்ஸிங். இதுல ரெண்டு பேருமே புது முகங்கள். ரெண்டு பேருமே நடிக்கிறாங்கன்னு பச்சையா தெரியிது.
இந்தக் கதையை, தெரிஞ்ச முகங்களை வச்சு, நல்ல மேக்கிங் தெரிஞ்ச ஒரு டைரக்டர் இயக்கியிருந்தா கிளாஸா இருந்திருக்கும். சரி விடுங்க, மீண்டும் அடுத்த பதிவுல சந்திப்போம். வர்ட்டா!
No comments:
Post a Comment