The Thinning (2016)

The Thinning (2016)

Thriller

நாட்டில் மக்கள் தொகையை குறைக்க அரசு முடிவெடுக்கிறது. மேலும், இதன் மூலம் நாட்டையே 100% கல்வியில் சிறந்ததாக ஆக்க வேண்டி அரசு, பள்ளி கல்லூரி நிர்வாகங்களின் பொறுப்பை ஏற்கிறது. இதன்படி அனைவரும் படித்தாக வேண்டும். கட்டாயக் கல்வி. கட்டாயத் தேர்வு. தேர்வில் வெற்றி பெற்றால் உயிர் வாழலாம். தோல்வியடைந்தால் - மரணம்.

இந்த சட்டம் நாட்டின் அனைத்து பிரஜைகளுக்கும் பொதுவாக்கப் படுகிறது. அரசியல்வாதியின் மகனானாலும் சரி. தேர்வில் தோல்வியடைந்தால் thinning எனப்படும் ஆட்குறைப்பு சட்டத்தின் படி அடுத்த சில நிமிடங்களில் கொல்லப் படுவார்கள்.

இதற்கென நாட்டின் மொத்த ராணுவத்தையும் பள்ளி, கல்லூரிகளில் காவலுக்கு நிறுத்துகிறது. எக்ஸாம் கன்ரோல் மொத்தத்தையும் ராணுவமே முன்னின்று நடத்துகிறது.

ஆனால், பெயிலானவர்கள் சாவதற்கு ஒப்புக் கொள்வதில்லை. பயந்து கொண்டே தேர்வெழுதி அடுத்த சில நிமிடங்களிலேயே ரிசல்ட்டை அறிவிக்கும் போது ஆர்வத்திற்கு பதிலாக மரண பீதியில் அமர்ந்திருக்கும் திக் திக் நிமிடங்கள். கண்முன்னேயே பெயிலானவர்களை சாகடிக்க தரதரவென இழுத்துச் செல்லும் கொடூரத்தை கண்டு உறைந்து உயிர்வாழும் சக மாணவர்கள்.

இதன் பின்னணியில் உள்ள மர்மங்களும், அரசியலும் திடீர் திருப்பங்கள்.

இதுதான் The Thinning படத்தின் கதை. YouTube Red நிறுவனமும் Legendary நிறுவனமும் இணைந்து தயாரித்திருக்கும் ஒன்னரை மணி நேர திரில்லர் படம். படத்தின் முதல் காட்சியிலிருந்து கிளைமாக்ஸ் வரை என்கேஜிங்காக கொண்டு செல்லும் கிரிப்பிங்கான திரைக்கதை ப்ளஸ் படமாக்கப்பட்ட விதம் இரண்டும் அட்டகாசம். கண்டிப்பாக பார்க்க வேண்டிய படம்.